Jun 17, 2009

Kaash Aap Hamare Hotay

Jun 17, 2009
Hi friends,I am Raja m26 from Dubai.Aaj me aapko Fir ek love story sunane ja raha hu jiska naam he ''Kash aap mere hote.ummid he ki aapko bahut pasand aaegi.ye ek Bevfaa ladki ke pachtave ki kahani he , jise bevfaai ki sza mili.
Ye ek sachi kahani he jo mere ek dost ke sath gujri he,or mene apni aankho se dekhi he.isliye aaj is pr kahani likh raha hu.

Aman ek khubsurat or smart ladka he.umr 25 saal rng gora,or ek dukaan me purchasing ka kaam karta he.kafi achi selery he.or ghar me sabka laadla bhi he or kamau bhi.ek baar uske bde bhai ki shadi tay ho gai.or tayariya suru ho gai.uski fupi ki ek ladki he jiska naam he ruksana.vo bahut jyada khubsurat he uski umr 20 saal he.bilkul hiroin ki tarah lagti he.kai ladko ne use patane ki kosishe ki mgr usne kisi ko bhi ghaas nahi dali.shadi ke kuch din pahle rojana ruksana amaan ke ghar yani apne mama ke ghar chali aati or ghar ke kamo me hath batati.Aman ne us fupi ki beti ko kbhi buri najar se nahi dekha.ek baar raat ko naach gane ka program chal raha tha.Aman ne bhi bahut hi behtrin dance kiya.jiski vajaah se ruksana ka dil Aman pr aa gya.or vo chup chup kar Aman ko dekhti.mgr Aman isse bekhabar tha.vo jaan bujhkar vha jati jaha Aman betha hota.mgr fir bhi Aman bekhbar tha.vo Ijhaar karna chahti thi mgr uski himmat na hoti.ek din gane ka ek competition ho raha tha,jisme ghar ke mrd ek taraf or Orate ek taraf thi.or gane gae ja rahe the.ruksana ne jaan bujh kar ese gane sabke samne gaae jisme mohabbat ka ijhaar tha.log to mamla nahi samjhe mgr Aman samajh gaya.ab Aman bhi uski taraf khichta chala gya.or na jane kab usse mohabbat kar betha. Ab Ijhaar ki der thi ki isme pahal kre kon.ruksana usse najre milati to kbhi najre churati.mgr ijhaar karne ki himmat nahi juta pa rahi thi.ek baar raat ko Aman ki ammi ne kaha ki beta ruksana ghar jana chahti he ise ghar tak chod kar aa.halaki vo chahta to motar saykal pr bhi chod kar aa sakta tha.mgr vo jaan bujh kar pedal hi gya.Raste bhar vo apni mohabbat ka Ijhaar karna chah kar bhi na kar ska.or na hi ruksana kar ski.bs idhar udhar ki bate karte hue pura raasta gujar gya.aakhir jb ruksana ka ghar kareeb aaya.to Aman ne himmat karte hue kaha ki ruksana me aapko ek baat kahna chahta hu.vo boli ki kaho.to vo bola ki aapko ksm he agr bura mana to.vo boli ki nahi manugi.fir usne kaha ki mujhe aapse mohabbat ho gai he.ye sunte hi ruksana ka chehra laal ho gya.jese ki vo kafi jyada bura maan gai ho.vo bilkul chup ho gai.Aman ne kaha ki ruksana mujhe mere savaal ka javab do ki kya tum mujse mohabbat karti ho ? pr ruksana kuch nahi boli.usne kai baar pucha mgr vo na boli.aakhir ghar aa gya.or vo andar chali gai.vo rojana subah teyaar hokar Aman ke ghar chali jati thi,taki shadi ke ghar me kamo me hath bta ske.kyu ki ye uski ammi yani Aman ki fupi ka hukm tha ki apni mami ka hath btao.khair,uske baad Aman vaha se chala gya.or intijaar karne lga ki vo subah aaegi,to usse javab luga.mgr vo na aai. Subah ke 10 baj chuke the. Aman ne socha ki vo kyu nahi aai.is vkt tk to rojana vo aa jati he.mgr aaj ? kahi esa to nahi ki vo meri raat vali baat ka bura maan gai ho.isi tarah sochte sochte din ke 2 baj chuke the.mgr ruksana na aai.aakhir aman ka dil bhar aaya.or tensan hone lgi.kuch bhi acha nahi lagta tha.or na hi kahi pr dil lagta tha.Ishq ka drd sine me ho raha tha.or aankhe baar baar rasto pr ja rahi thi ki ab aae to kab aae.aakhir Intijaar ki ghadiya khatam hui or ruksana 3 bje unke ghar pahuchi.use dekh kar Aman ki jaan me jaan aai.mgr aaj vo usse najre chura rahi thi.jaha vo jati Aman bhi vahi jata mgr vo uske aate hi fir chali jati.isse Aman ko bdi tensan hoti.aakhir Aman ne majbur hokar Aashiya bhabhi jo ki

rishte me uske bde abbu ke bete ki bivi thi,unko puri baat batai,or unse halp ki iltiza
ki. Vo boli ki thik he me usse baat karugi.Aman ne kaha ki usse kahna ki me raat 10 bje chatt pr uska intijaar karuga.fir aashiya bhabhi ne moka milte hi ruksana se baat ki.or milne ka pegaam bhi diya.mgr vo kuch nahi boli.fir raat ke 9 bje se Aman chatt pr uska intijaar karne lga.use pura yakeen tha ki vo jarur aaegi.aakhir vo 10 bje ke baad upr chatt pr aai.fir Aman ne usse kaha ki agr tumhe meri baat buri lgi to me mafi mangta hu.aainda kbhi bhi ye baat dubara nahi kruga.to ye sunkar vo hans pdi.or boli ki itni si aajmaish me hi himmat haar gaye,fir mera sath kese nibha paoge ? to Aman bola ki mohabbat me mahbub ki khushi jyada maine rakhti he.agr tumhari khushi mujse door rahne me he to mujhe ye bhi Kabul he.to vo boli ki nahi meri khushi to aapse hi judi he,aapki mohabbat se badhkar meri koi khushi nahi.muje aapse tabse mohabbat he jabse aapko bhi nahi he.ispr Aman bahut khush hua.fir vo boli ki koi aa jaega,me abhi jati hu.fir vo niche chali gai.is tarah puri shadi me ek dusre ko dekh dekh kar itrane ka or muskurane ka silsila chalta raha.ek aadh baar akele me mulakaat bhi hui,mohabbat ki kasme khai gai,or vade bhi kiye gaye.aakhir shadi ka program bhi khatam hua.or dono fir se ek dusre se fori tor par juda ho gae.rukhsana apni kisi saheli ke ghar se Aman ko fon karti.or kai kai der tak pyar or mohabbat ki bate hoti rahti.aakhir us saheli ne bhi fon vgera karne par rok lga di.isliye ki bill bahut jyada aane lga,jisse uske ghar valo ko us par shak ho gya.usne ruksana ko fon karne se mna kar diya.aakhir kuch din to ese hi gujre.Aman moka dekh kar apni fupi ke ghar aata jata.pahle to kisi ko koi shak nahi hua.mgr vo jate hi ruksana se bate karta,or uske piche piche ghumta,isse uske bhaiyo ko shak pad gya.ab inka pyaar is mod par pahuch chukka tha ki ek dusre se duri gavara na thi.unke ghar valo ko shak ho jane ki vjaah se Aman ne jana to km kar diya, mgr vo kisi ke jariye letter bhejta.or ruksana bhi un letters ka javaab bhejti.ek din bdi mushkil se dono ne mulakaat ki.or ye tay kiya ki apne ghar me baat karni chahiye.aakhir kb tk u hi judai ki aag me jalte rahege.uske 3 din baad Aman ne ruksana ko kisi ke sath letter bheja.jo ki badnsibi se uske bhai ne pakad liya.jise padhkar use pura kissa maalum ho gya.usne apni ammi or dusre bhaiyo ko bhi bta diya.isse pahle ki ruksana or Aman apne gharo me apni shadi ke liye baat karte , is letter ne sare armano ko jla diya.ruksana ki ammi ne use bahut jyada fatkaar lgai.or bhaiyo ne bhi bahut be ijjat kiya.ruksana ki ammi ne ye baat uske abbu yani apne shohar se chupai.vrna bahut bda msla bn jata.Ab unki mohabbat ke anjaam ka vkt aa chukka tha.Aman ko bhi is bare me malum hua , to usne apni ammi se kaha ki tum jaldi se ruksana ke ghar mera rishta lekar jao.kyu ki vo Aman ki fupi ka hi ghar tha , isliye Aman ki ammi ko pura ykeen tha ki unko is rishte se koi pareshani nhi hogi.or Aman ki ammi or bhabhi ruksana ke ghar aman ke rishte ki baat karne gye.or unhone jakar puri baat unke Abbu ke samne hi kar di , ki ruksana or Aman ek dusre se mohabbat karte he, ek dusre ko pasand karte he , isliye ham in dono ki shadi ke liye aapke ghar rishta lekar aae he.ye sunte hi ruksana ke Abbu bhadak gye.or bole ki aapse ye kisne kaha ki ruksana aman se mohabbat karti he ? to vo boli ki Aman ne khud btaya.to uske Abbu ne ruksana ko bulaya or gusse se pucha ki ye jo kah rahi he ye baat sach he ? to ruksana apne abbu ke dr se boli ki nhi Abbu ye jhuth he.me kisi ko pasand nhi karti.ye baat sunkar abbu bole ki thodi si bhi gairat baki he to dubara yha mt aana.Aman ki ammi ye jillat bardasht nhi kar ski or vapas aagai.or Aman se boli ki jis ladki ki mohabbat me tu pagal ho raha he usne sbke saamne tujhe pasand karne se inkaar kar diya.ye sunkar Aman ke niche se jmeen khisak gai.vo bola ki ye kese ho sakta he , uske bheje hue letter mere paas abhi bhi pde he.kya ye sab jhuth he ?


Aman ki ammi boli ki beta use bhul ja.teri fupi or unke shohar ko ye rishta kbul nhi.Aman ko is vaakiye se bahut jhatkha lga.mgr majbur or bebas kya karta.usne ruksana ko fon karne ki bahut kosish ki mgr usse baat nhi ho pai.kai din gujar gye mgr ruksana ka koi khatt ya fon nhi aaya.Aman ko bahut jyada sadma hua.vo puri puri raat jaagta.or ruksana ki yaad me rota.uski be vfaai ka use bilkul ykeen nhi ho raha tha.aakhir ek din vo himmat karke apni fupi ke ghar gya.ittifaaq se us vkt ruksana ghar me akeli thi.Aman ghar me gya.or usne ruksana se kaha ki aakhir meri mohabbat me kya kmi rah gai thi jiski tumne muje itni bdi sza di.tumne sabke saamne mere pyaar ko kyu rusva kar diya.to ruksana boli ki Aman hmari shadi hona mumkin nhi he.kyu ki mere ghar vale is rishte ke khilaaf he.or mene apne Abbu ke dr se us din kah diya tha ki me tumse mohabbat nhi karti.Aman muje apne ammi abbu se bahut pyaar he.me unke khilaaf nhi ja sakti.chahe tum ise meri be vfaai samjho ya meri majburi.mene apni mohabbat ko chupane ke liye esa kiya.or us din agr me sach bol bhi deti to Abbu mujse bahut jyada naraaz ho jate , or dusri baat ki jb se tumhara bheja hua letter pakda gya he , mere ghar vale mujse nafrat si karne lge he.us din se hi vo is rishte ke khilaaf he.isliye mene jo kuch kiya hmare bhale ke liye hi kiya.Aman uski baate sunkar maayus ho gya.or vapas jane lga.itne me ruksana ka bda bhai aa gya , or usne amaan ko dekhte hi gandi gandi gaaliya deni suru kar di.or bola ki hrami teri ma ko us din itna jleel kiya fir bhi tu hmare ghar me chala aaya.ye gaaliya sunkar Aman gusse me aagya or usne ruksana ke bhai ko maarna suru kar diya.to ruksana use churane ke liye bich me aagai.mgr Aman usko buri tarah peet raha tha.to ruksana ne bhi Aman ko gaaliya deni suru kar di.or boli ki khabardaar jo mere bhai ko hath bhi lgaya to.me tumse nafrat karti hu.tum is kaabil ho hi nhi ki koi tumse pyaar kre.chale jao yha se tum jese hjaro pagal firte he mere aage piche.muje tumse koi lena dena nhi.dubara apni manhus surat muje mt dikhana.I hat you.Aman jisse apni jaan se jyada mohabbat karta tha uske muh se ese alfaaz sunkar apne aap pr sharminda hua.ki iski khatir me apni jindgi ko barbaad kar raha hu.fir vo chala gya.din gujarte rahe.Aman ruksana ki bevfaai ki aag me jalta rahta.use in bato ka bahut jyada gm hua.uska khana pina bhi km ho gya.dhire dhire uski sehat bhi girni suru ho gai.uske baad unke ghar me se kbhi bhi koi fupi ke ghar nhi gya.or unse rishtedari bhi tod li gai.Aman ke ghar vale uski halat ko dekh kar paresaan the.dino din aman kamjor hota ja rha tha , or nashe bhi karne lag gya tha.fir Aman ke ghar valo ne aapas me mashvra karke uski shadi tay kar di.Aman ne bahut mna kiya mgr ghar vale na mane.use samjha bujha kar shadi ke liye razi kar liya.[is mashvre me Raja bhi shariq tha ]or dekhte hi dekhte dhum dham se uski shadi bhi ho gai.Aman ki bivi bahut achi ladki thi.use Aman ke ghar valo ne aman ki pichli jindgi or mohabbat ke bare me bta diya tha.or kaha ki tumhe hi apne shohar Aman ki us mohabbat ki bimari ka ilaaz karna he.us ladki ne kuch hi dino me aman ko itni mohabbat di ki vo ruksana ki bevfaai ko bhi bhul gya.aaj Aman apni bivi ke sath khush he.uske 1 bacha bhi he.or uske nseeb se uske paas maal bhi jma ho gya.vo ek khush jindgi gujaar raha he.or dusri taraf ruksana abhi tk kuvari hi he.kai rishte aae mgr uske ghar valo ki samajh me nhi aae.isliye unhone abhi tk uska rishta nhi kiya. or uski saheliyo se ye maalum hua ki vo Aman se door hokar vo bahut pachta rahi he.or uske dil se yahi baat nikalti he ki '' kash Aap mere hote,.Dusra uske ghar vale bhi ye kahte he ki Aman se rishta kar dete to acha hota.

Pyare readers dosto , ye bhi ek sachi kahani he , jo mere saamne hui thi.aaj bhi kisi takreeb pr aman jata he to ruksana use chup chup kar dekhti he.mgr vo use aankh bhar bhi nhi dekhta.
Mohabbat me kbhi kbhi esa bhi hota he.or dusra Nseeb me likha ham vkt pr nhi samajh pate , mgr dhire dhire samajh jate he.Tisra ye ki Aap me se bhi kai ese hoge jo mohabbat me dhokha kha chuke hoge , or mohabbat ko bhula nhi pate hoge , unke liye me sirf yhi kahuga ki ho ske to jald se jald shadi kar lijiye.aapko us bimari se shifa mil jaegi.shadi karne ke baad insaan apni purani jindgi ko bhulane me kafi hadd tak kamyaab rahta he.isliye mrze mohabbat ki dva sirf shadi karna hi he.ghar valo ki pasand se shadi karne ka sabse bda fayda yhi he ki aapki bivi se hmesha aapke ghar valo ke rishte or taalukaat or pyaar barkraar rahega.jo shayad aapki pasand se na rahe.shadi karne se tute hue dil jud jate he.sex ki bimari se shifa milti he.or bevfaai ko bhulane me aasani milti he.ye yaad rakhe ki Bevfaai karne vala chahe mrd ho ya Orat , vo ek din pachtata jrur he.mgr us vkt vo bebas hota he.kuch kar nhi sakta.kisi ke sath dhokha karne se pahle ye bhi soch le ki esa koi aapke sath kre to kya aap sahan kar skege ? hargij nhi.isliye jisse mohabbat kro usi se shadi karne ki puri koshish kro , agr fir bhi nhi kar pate to use kismat samjho.or yhi socho ki vo aapke liye behtar nhi hogi , isi liye vo aapko nhi mili.is soch se nakami me bhi dil sukun paega.or gm me kmi hogi.
Aap sabka me behad shukar guzaar hu ki Aapko meri likhi storys behad pasand aa rahi he. '' Meri nadaan mohabbat , or Pakiza mohabbat or vo hri hri aankhe, in storys se mujhe jitna respons mila , utna to mene socha bhi nhi tha.itne sare E mails mile jisme aap logo ne apne jazbaat ka ijhaar kiya , dil ko bahut khushi hui.in love storys ko kai webs par pasand kiya gya.logo ne apni mohabbato ke msaail bhi mujse puche , jinhe mene javabat bhi bheje.or bahut sare logo ne sex ke bare me bhi kai savalaat kiye the , jinke mene javabaat diye. Aaj bhi me ye Arz karta hu ki me on line nhi rahta , mujhe on line paresaan karne ke bjaay E mails bheje , me jarur javabaat bhejuga.on line chating nhi kar sakta.isliye mafi chahta hu. Khas kar un sabka behad shukriya jinhone meri storys ko itna pasand kiya ki save kar liya , or mujhe E mails bheje.thanks to All.Aaj ki story aapko kesi lgi.E mails ke jariye jarur btana.me koshish karuga ki inse bhi bahtar storys likhne me kamiyaab rahu.Aapke respons se hosla milta he.Dubai me rahkar bhi apne vtn ki yaad taza ho jati he.Bahut jald nai love story ke sath hazir houga.Good Bayyy.

0 comments:

Post a Comment

Related Posts Plugin for WordPress, Blogger...